أهم النصائح لإطالة عمر البطارية أهلا وسهلا بك عزيزي الزائر في مدونتنا المتواضعة في موضوع جديد من الموضوعات الخاصة بقسم المنوعات وهو طريقة إطالة عمر البطارية لأطول فترة ممكنة. نتمني لك قضاء وقت ممتع اثناء قراءة المقال وتحقيق الإستفادة المنشودة.
 |
| أهم النصائح لإطالة عمر البطارية |
أعزائى زوار ومتابعين مدونة عالم كهرمان معنا ستستمتع وتستفيد بشروحات وتحميلات عن كل ما هو جديد ومميز ومفيد في مجالات الربح من الانترنت وشروحات التطبيقات المفيدة لهواتفكم.
شرحنا الهدف منه الإفادة بشكل مبسط فأغلبية الشروحات تعتمد على صور توضيحية لما يتم شرحه.
يقوم البعض من الناس بشراء هاتف جديد ثم يعقد العزم مع الهاتف بأنه سوف يصونه ويحميه طوال حياته ويعتني به وكأنه تزوج من امرأة. ثم يبدأ البحث الكثير عبر الإنترنت عن طرق المحافظة علي الهاتف لأطول عمر. فأول واهم شئ عليك الانتباه له عزيزي الزائر هي البطارية. لأنها من مكونات الهاتف الرئيسية واحد اعمدته. والتي بدونها لن يعمل الهاتف. واذا حدث خلل بها سوف تتأثر باقي وظائف الهاتف الأخري ويتأثر الأداء العام وسوف تحظي بتجربة استخدام سيئة.
لكن هنا في مدونتنا سوف نقدم اليك اهم النصائح للحافظ علي بطارية الهاتف لأطول فترة ممكنة.
نصائح للمحافظة علي بطارية الهاتف
- لو عاوز بطارية تطول معاك و تسد لأغلب اليوم من غير ما تشحنها يبقي اختار تليفون سعة بطاريته متكونش أقل من 5000 مللي امبير.
- اياك ثم اياك انك تمسك التليفون وهو علي الشاحن. علشان ده من الأسباب الرئيسية اللي بتدمر البطارية وممكن تليفونك يفرقع. طبيعي لما بيشحن حرارته بتزيد ولما تمسكه وهو علي الشاحن حرارته هتزيد اكتر. ولو مش بتستحمل تفارق التليفون ساعتين او تلاثة يبقي اختار من البداية تليفون بطاريته بتدعم الشحن السريع. ميكنش الشاحن بتاعه أقل من 33 وات علشان يشحنلك التليفون في ساعة.
- المكان اللي هتحطه فيه علي الشاحن تكون حرارته مناسبة وجيد التهوية. علشان ده برضه بيأثر علي سرعة الشحن فمتشكيش لما تليفونك ينفجر وانت حاطه تحت المخده. او متشكيش ان التليفون بيطول في الشاحن وانت حاطه في غرفة مقفولة.
- حرارة التليفون متزيدش عن 45 درجة علشان برضه ده هيأثر علي البطارية.
- متستناش التليفون يصفر علشان تحطه علي الشاحن بعدين تفصله لما يوصل 100%. كده انت استهلكت دورة شحن كاملة من عمر البطارية. واللي عمرها الافتراضي بيتقاس بدورات الشحن و بتكون في حدود 500 دورة شحن. فالأصح تحطه علي الشاحن لما يوصل 20% وتفصله لما يوصل 80% بالكتير 90%. علشان تستهلك دورات شحن اقل وتحافظ علي عمر البطارية.
اقرأ أيضاً
- استخدم الشاحن الأصلي بتاع التليفون ومتستخدمش شاحن غيره. ولو باظ ريح دماغك وهات الشاحن من التوكيل بتاعه. فعلا هتلاقيه غالي بس هيريحك. غير لو كنت هتجيب شاحن رخيص غير معروف ومتعرفش انه غير مناسب للبطارية. وتلاقيه زود الطينة مبلة وبوظ البطارية واثر علي اداء التليفون العام. وبدل ما انت كنت محتاج شاحن لأ انت هتحتاج بطارية جديدة كمان. وهيدخلك في دوامات انت في غني عنها.
- لو لقيت نسبة البطارية بتخلص بسرعة (بتهرب) وانت بتقول انا لسه جايبه والله لسه معملتش حاجة. فأول حاجة اعمل دورة شحن للتليفون ازاي يعني تستني التليفون لما يصفر شحن منك خالص. بعدين اتأكد ان التليفون مش هيفتح. بعدين حطه علي الشاحن وهو مقفول لحد اما يوصل 100%. بعدين افصله وشغل التليفون. لقيت التليفون اتعدل وبقي شغال كويس يبقي تمام. غير كده يبقي ممكن عيب سوفت وممكن يتحل بتحديث. او التليفون لسه متعودش علي استخدامك وهيتعود ان شاء الله في خلال شهر. غير كده يبقي تطلع علي التوكيل وهما هيفحصوه. اما لو ليك سنين جايبه ومنفعتش الحلول اللي قلتها يبقي دا يا معلم وقت تغيير البطارية. ويستحسن من التوكيل علشان بتكون الأصلية.
دي كانت اهم النصائح علشان تحافظ علي بطارية تليفونك. طب هتقولي اعرف منين حرارة التليفون. خصوصاً ان في تليفونات مش بتعرض درجة حرارته. كمان في ناس هتقول طب انا غصب عني بنام وبسيب التليفون علي الشاحن وبصحي الاقيه وصل 100% تنصحني بأيه؟
في برامج متوفرة علي الأندرويد بتخص البطارية وبيعرضلك حرارة التليفون والجهد الكهربي المناسب للشحن. كمان تقدر تظبطه بحيث لما يوصل لنسبة 90% مثلا يديك انذار بإنك تشيل التليفون من الشاحن.
وهكذا نصل بكم إلى ختام هذا المقال الذي تناولنا فيه الحديث عن اهم النصائح للمحافظة علي عمر بطارية تليفونك لأطول فترة ممكنة.
اتمني من المولي عز وجل أن أكون قد اوصلت لحضراتكم المعلومة بطريقة مبسطة و مفهومة فإن كنت وفقت فهذا فضل من المولي عز و جل و إن كنت قد أخفقت فهذا مني و من الشيطان.
إذا أعجبك موضوعنا اليوم فلا تنسي عمل مشاركة للمقال مع اصدقائك عبر ازرار التواصل الاجتماعي الموجودة بالأسفل حتي تعم الفائدة والسلام عليكم و رحمة الله و بركاته.
تنويه
يعتبر إستخدامك لما تحتويه المدونة من مواضيع أو شروحات أو برامج يتم على مسئوليتك الشخصية و ليس للمدونة دخل به .ولا نلتزم بأي مسئولية تنتج عن أى أخطاء من إستخدامك للمدونة أو خدماتها أو محتوياتها.
